Tugann an Gníomh Eorpach um Shaoirse na Meán (GESM) oibleagáidí reachtúla nua isteach d’údaráis phoiblí agus d’eintitis phoiblí i ndáil le fógraíocht stáit. Ón 8 Lúnasa 2025, beidh sé de dhualgas ar údaráis phoiblí agus ar eintitis phoiblí:
- Critéir agus nósanna imeachta iomchuí a bheith i bhfeidhm acu chun fógraíocht stáit a dheonú.
- Faisnéis a bhailiú agus a fhoilsiú faoina gcaiteachas ar fhógraíocht stáit.
Critéir agus nósanna imeachta maidir le fógraíocht stáit a dheonú
I measc na gcritéar ábhartha maidir le fógraíocht stáit a dheonú tá, i measc nithe eile, luach ar airgead, scaipeadh geografach, an cumas chun an spriocghrúpa a bhaint amach agus an gá atá le riachtanais reachtúla eile a chomhlíonadh, amhail riachtanais fógraíochta na Gaeilge faoi Acht na dTeangacha Oifigiúla.
Agus conradh á thairiscint aici, téann an Chomhairle Mhúinteoireachta i gcomhairle leis na treoirlínte soláthair phoiblí arna mbunú ag an Oifig um Sholáthar Rialtais agus cloíonn sí leo.